२३ जेठ २०८३, शनिबार
इरानले इजरायलमा मिसाइल हमला गरेपछि राजधानी तेहरानका सडकमा मानिसहरूले खुसी मनाएका छन् । बेलायती दूतावासबाहिर पनि केही मानिसहरू भेला भएका थिए । मानिसहरूले त्यहाँ पनि उत्सव मनाएका छन् ।
धेरै मानिसहरूको हातमा हिजबुल्लाह नेता नसरल्लाहको फोटो पनि देखिएको अन्तर्राष्ट्रिय सञ्चार माध्यमहरूले जनाएका छन् । कतिपयले पटाका समेत जलाएका थिए ।
हसन नसरल्लाह केही दिन अघि इजरायली आक्रमणमा मारिएका थिए ।
यसैबीच, इरान र इजरायलका राजदूतहरूले संयुक्त राष्ट्र संघमा आफ्नो धारणा राखेका छन् । संयुक्त राष्ट्रसंघका लागि इरानका राजदूतले इजरायलको थप कारबाहीको उचित जवाफ दिइने चेतावनी दिएका छन् ।
यसैबीच इरानले इजरायलमा मिसाइल आक्रमण गरेपछि इजरायली प्रधानमन्त्री बेन्जामिन नेतान्याहुले बदला लिने बताएका छन् ।
