०६ साउन २०८३, बुधबार
रोबर्टो म्यान्चिनीले साउदी अरेबिया राष्ट्रिय फूटबल टोलीको मुख्य प्रशिक्षक पदबाट राजीनामा दिएका छन् । जसको पुष्टि बिहीवार साउदी अरब फूटबल संघ (एसएएफएफ)ले गरेको छ ।
संघसँगको ‘संयुक्त सहमति’अनुसार १४ महिना लामो कार्यकालपछि ५९ वर्षीय इटालियन प्रशिक्षक म्यान्सिनी बाहिरिएका हुन् । उनको प्रतिस्थापन अर्को केही दिनमा घोषणा गरिने संघले जनाएको छ।
म्यान्चिनीको नेतृत्वमा साउदी अरेबियाले १८ खेल खेल्दै ७ जीत, ५ बराबरी र ६ हारको सामना गरेको थियो । जसमा टोलीले २६ गोल गर्दै २२ गोल खाएको थियो ।
सन् २०२६ को फिफा विश्वकपअन्तर्गत एसिया छनोटको तेस्रो चरणमा टोलीको प्रदर्शन कमजोर देखिएकापछि मान्चिनीले राजीनामा दिएका हुन् । जसमा उनले चार खेलमा केवल एकमात्र जीत दिलाउन सके । यसै वर्षको शुरूवातमा एएफसी एसियन कपको अन्तिम १६ मा नै साउदी अरेबिया बाहिरिएको थियो ।
उक्त प्रतियोगितामा दक्षिण कोरियासँगको पेनाल्टी शूटआउट खेलमा अन्तिम प्रहार हुनुभन्दा पहिल्यै म्यान्सिनीले मैदान छोडेका थिए । जसका लागि उनले पछि माफी पनि मागेका थिए ।
मान्चिनी सन् २०२१ मा इटालीले युरोप जित्दा मुख्य प्रशिक्षक थिए ।
