०६ असार २०८३, शनिबार
कालिकोटबाट टिकापुर जाँदै गरेको बस दैलेखमा दुर्घटनामा परेको छ ।
शुक्रबार साँझ ५ बजेर १० मिनेटको समयमा टिकापुर जाँदै गरेको ना ४ख ६०५६ नम्बरको बस आठबीस नगरपालिका –२ सिस्नेमा दुर्घटनामा परेको प्रहरीले जनाएको छ ।
दुर्घटनामा घाइते भएकामध्ये ८ जनालाई उद्धार गरेर स्थानीय अस्पताल पठाइएको जिल्ला प्रहरी कार्यालय दैलेखले जनाएको छ ।
दुर्घटनामा केही यात्रुहरू सामान्य घाइते भएका छन् ।
प्रहरीका अनुसार दुर्घटनाको कारण खुल्न सकेको छैन भने बसमा कति यात्रु सवार थिए भन्ने पनि खुलिसकेको छैन ।
थप विवरण आउन बाँकी छ ।
