१० साउन २०८३, आइतबार
भारतको अमृतसरस्थित गुरु रामदास जी अन्तर्राष्ट्रिय विमानस्थलमा डेढ करोड भारतीय रुपैयाँको सुन बरामद भएको छ । भारतको भन्सार विभागले दुबईबाट आएका एक यात्रुबाट सुन बरामद गरेको भारतीय सञ्चार माध्यमहरूले जनाएका छन् ।
समाचारमा जनाइएअनुसार यात्रुले उक्त सुन आफ्नो अन्डरवयरमा लुकाएर ल्याएका थिए । उनलाई शंकाको आधारमा भन्सारले पक्राउ गरेको थियो । जाँच गर्ने क्रममा सुन बरामद भएको हो ।
दुबईबाट उडेको श्रीगुरु रामदास जी अन्तर्राष्ट्रिय विमानस्थलमा एक यात्रुले अन्डरवयरमा लुकाएर दुई किलो सुन ल्याएका थिए । विमान अमृतसरको विमानस्थलमा अवतरण गर्नेवित्तिकै चेकिङका क्रममा यात्रु समातिएका हुन् ।
बरामद सुनको मूल्य करिब डेढ करोड रुपैयाँ रहेको अनुमान गरिएको छ । सुन र अभियुक्तलाई भन्सार अधिकारीले नियन्त्रणमा लिएका छन् ।
जानकारीका अनुसार यात्रुले आफ्नो अन्डरवयरमा चार पाउचमा पेस्टगरी सुन लुकाएर राखेका थिए । सूचना पाएलगत्तै भन्सार अधिकारीले उडानबाट ओर्लिएका यात्रुको सघन जाँच शुरू गरेका थिए ।
