नेपाल धितोपत्र बोर्डका अध्यक्ष सन्तोषनारायण श्रेष्ठले शपथ लिएका छन् ।

श्रेष्ठले मंगलबार उपप्रधान एवं अर्थमन्त्री विष्णुप्रसाद पौडेलसमक्ष पद तथा गोपनीयताको शपथ  लिएका हुन् । 

श्रेष्ठलाई सोमबारको मन्त्रिपरिषद् बैठकले बोर्डको अध्यक्षमा नियुक्त गरेको थियो । 

तत्कालीन अध्यक्ष रमेशकुमार हमालको कार्यकाल २०८० पुस २० गते  सकिएको थियो ।

करिब ११ महिनापछि बोर्डले नेतृत्व पाएको छ । 

नवनियुक्त अध्यक्ष श्रेष्ठले प्राथमिकताका आधारमा काम गर्ने र पुँजी बजारमा रहेका समस्यालाई अवसरका रूपमा बदल्ने प्रतिबद्धता जनाएका छन् ।