०२ असार २०८३, मंगलबार
वालमार्टबाट खरबुजा किन्न गएका एक व्यक्ति घाइते भएपछि पसलेले करिब ८० करोड रुपैयाँ(७.५ मिलियन डलर) तिर्नुपर्ने भएको छ ।
यो समाचार अमेरिकाको अलबामा राज्यको हो । जुलाई २०१५ मा हेनरी वाल्करको खुट्टा काठले बनाएको एक पट्टीमा फसेको थियो । उनी खरबुजा किन्न दोकानमा गएको समयमा घाइते भएका थिए ।
५९ वर्षीय वाल्करले फेनिक्स सिटी अदालतमा खरबुजा किन्न गएको समयमा काठमा अड्किएर आफू लडेको बताए । उनले जसका कारण आफ्नो कम्मर र खुट्टा भाचिएको बताए ।
तर यो आरोपलाई स्टोरका मालिक भने स्विकार गर्ने पक्षमा छैनन् । उनले आफ्नो फलफूल डिस्प्ले निकै सुरक्षित भएको र यसलाई परिवर्तन गर्ने पक्षमा नभएको बताए । उनले अमेरिकाभर यस्तै खालको डिस्प्ले वा फलफुल राख्ने व्यवस्था हुने गरेको भन्दै आफ्नो गल्ती नभएको बताएका छन् ।
वालमार्टले जूरीको यस निर्णयको विरुद्धमा अपील गर्ने जनाएका छन् । वाल्कर एक सेवानिवृत्त आमी हुन् । जुरीले २५ लाख डलर मुआवजा र ५० लाख डलर सजायको रुपमा तिर्न भनेको छ ।
