०१ साउन २०८३, शुक्रबार
नेपाल बीमा प्राधिकरणमा अर्को व्यवस्था नभएसम्मका लागि अर्थ मन्त्रालयका सहसचिव मदन दहालले अध्यक्षका रूपमा कामकाज गर्ने भएका छन् ।
बीमा ऐन २०७९ को दफा (६) बमोजिम सञ्चालक समितिको दोस्रो वरियतामा रहेका दहाललाई प्राधिकरणको अध्यक्षका रूपमा कामकाज गर्ने गरी मन्त्रालयले जिम्मेवारी दिएको हो ।
यसअघिका प्राधिकरणका अध्यक्ष सूर्य प्रसाद सिलवालविरुद्ध अख्तियार दुरुपयोग अनुसन्धान आयोगले भ्रष्टाचार मुद्दा दायर गरेपछि उनी निलम्बनमा परेका थिए ।
आयोगले सोमबार उनीविरुद्ध नागरिकता तथा राहदानीमा केरमेट र जालझेल गरेको भन्दै मुद्दा दायर गरेको हो ।
