काठमाडौंमा जारी नेपाल प्रिमियर लिग (एनपीएल) क्रिकेट प्रतियोगिताका विजेताले नगद एक करोड १० लाख रूपैयाँ पाउने भएका छन् । 

नेपाल क्रिकेट संघ (क्यान)ले मंगलबार पुरस्कार राशि सार्वजिनक गर्दै विजेतलाई एक करोड १० लाख नगद दिने घोषणा गरेको हो । 

क्यानका अनुसार उपविजेताले ५१ लाख, तेस्रो स्थानमा रहने टिमले २५ लाख र चौथो स्थानमा रहने टिमले १५ लाख रूपैयाँ पाउनेछन् । 

जारी एनपीएलमा समूह चरणका खेल सकिसकेका छन् । जस अनुसार समूह चरणबाट सुदूरपश्चिम रोयल्स, जनकपुर बोल्ट्स, चितवन राइनोज र कर्णाली याक्सले प्लेअफमा स्थान पक्का गरेका छन् ।

बुधबार हुने एलिमिनेटरमा चितवन र कर्णाली भिड्नेछन् भने पहिलो क्वालिफयरमा सुदूरपश्चिम र जनकपुर भिड्ने छन्। पहिलो क्वालिकायर विजेता टोली फाइनलमा प्रवेश गर्नेछ भने पराजित टोलीले दोस्रो क्वालिफायरमा इलिमिनेटरको विजेता टोलीसँग भिड्नेछ।