२८ जेठ २०८३, बिहीबार
सम्पादक समाज नेपालले ‘गोविन्द वियोगी पत्रकारिता पुरस्कार २०८१’ पर्वतमा महिलाद्वारा सञ्चालित सामुदायिक रेडियो दिदीबहिनी ९५.२ मेगाहर्जलाई प्रदान गर्ने निर्णय गरेको छ । संस्थागत रूपमा प्रदान गरिने यो पुरस्कार प्रमाणपत्रसहित नगद २५ हजारको रहेको छ ।
यस्तै 'गोविन्द वियोगी विशेष पत्रकारिता' पुरस्कार राजधानी दैनिकका बझाङ सम्वाददाता डीबी विष्ट र समय अनलाइनका सम्पादक ध्रुव रावललाई प्रदान गरिने समाजका महासचिव श्याम डोटेलले जानकारी दिए ।
यो पुरस्कार जनही १५ हजारसहित प्रदान गरिने छ ।
समाजको पुष १७ गते बसेको बैठकले पत्रकार युवराज घिमिरेलाई सम्पादक समाज नेपाल सम्मानबाट सम्मानित गर्ने निर्णय गरेको छ ।
बैठकले सम्पादक समाज नेपालका संस्थापक स्व. गोविन्द वियोगीकी धर्मपत्नी कृष्ण वदन वैद्यलाई अभिनन्दन गर्ने निर्णय समेत गरेको छ ।
आगामी माघ ५ गते संस्थाको आफ्नै भवन गोविन्द वियोगी पत्रकारिता अध्ययन केन्द्र, सुइरेचौरमा पुरस्कार, सम्मान एवं अभिनन्दन कार्यक्रम गरिने समाजले जनाएको छ ।
