०५ असार २०८३, शुक्रबार
काठमाडौं, ३० कात्तिक - नेपालकै होचा कलाकार दिपेन शाहको निधन भएको छ ।
उनको विहिवार विहान उपचारको क्रममा निधन भएको हो । ज्वरोका कारण अस्पताल भर्ना भएर उपचार गराइरहेका शाहको आज विहान निधन भएको उनको पारिवारीक स्रोतले बताएको छ ।
अस्पताल स्रोतका अनुसार उनकै दुबै मृगौला फेल भएका थिए । मृगौलाले काम नगरेपछि उनको मुटुमा समेत असर पुगेको थियो ।
२०५५ सालमा जन्मिएका शाह हाँस्य चलचित्र छेउ न टुप्पो र झ्याईंकुटी झ्याईं मार्फत लोकप्रीय बनेका थिए । उनको उचाई ३१ इन्च मात्रै थियो ।
१० कक्षामा अध्ययन गर्दै गरेका उनको उपचारको क्रममा निधन भएको हो ।
उनले केही समय अघि विश्वकै होचो कलाकारको रुपमा गिनीज बुक अफ वल्र्ड रेकर्डमा नाम लेखाउन खोजेका थिए ।
