१९ असार २०८३, शुक्रबार
बलिउड अभिनेता सलमान खानको सुरक्षा व्यवस्था कडा बनाइएको छ । लरेन्स बिश्नोई गिरोहले पटकपटक ज्यान मार्ने धम्की दिएपछि उनको सुरक्षा बढाइएको हो ।
अहिले उनको घरको सुरक्षा पनि निकै कडा पारिएको भारतीय सञ्चार माध्यमहरूले जनाएका छन् ।
समाचारमा जनाइएअनुसार सलमान खानको ग्यालेक्सी अपार्टमेन्ट मर्मत गर्ने काम भइरहेको छ । उनको घरको बालकनीलाई बुलेट प्रुफ बनाइएको छ ।
अप्रिल २०२४ मा मुम्बईको बान्द्रा क्षेत्रमा खानको ग्यालेक्सी अपार्टमेन्ट बाहिर गोली चलाइएको थियो ।
पछि यो आक्रमणको पछाडि लरेन्स बिश्नोई गिरोहको हात रहेको खबर आएको थियो ।
