आकर्षक रोजगारीको प्रलोभनमा लाओस् पुगेका एक नेपालीको उद्धार भएको छ । 

आकर्षक रोजगारीको प्रलोभनमा पारी लाओसको गोल्डन ट्रयाङ्गलमा लगि गैरकानूनी काम गर्न बाध्य पारिएका उनी भागेर थाइल्याण्ड पुगेका थिए ।

उनलाई थाइ सरकारी निकायको सहयोगमा शुक्रबार नेपाल फर्काइएको बैंककस्थित नेपाली दूतावासले जनाएको छ । 

सरकारले तोकेका मापदण्ड बमोजिम श्रम स्वीकृति लिएर मात्र वैदेशिक रोजगारीमा जान तथा कसैको प्रलोभन परी कानून विपरीत छिटो धेरै पैसा कमाउने हेतुले कम्बोडिया, लाओस, म्यानमार र थाइल्याण्डलगायत कुनै पनि मुलुकमा नआउन राजदूतावासले आग्रह गरेको छ ।