प्रधानमन्त्री केपी शर्मा ओलीसहित दलका शीर्ष नेताले सम्बोधन गर्ने कार्यतालिका रहेको प्रतिनिधिसभाको बैठकमा रास्वपा सांसद उठेर विरोध गरेपछि सभामुख देवराज घिमिरेले बस्न आदेश दिएका छन् । 

शुक्रबार अधिवेशनको शुरूको बैठकमा रास्वपा सांसदले शुरूमै बोल्न माग गरेका थिए । तर, सभामुखले दलीय आधारमा छुट्याइएको समयमै बोल्न आग्रह गरे ।

रास्वपा सांसदलाई पटक-पटक बस्न आग्रह गर्दै अनुरोधले नभएको भन्दै बस्न आदेश दिएको घोषणा गरे । 

त्यसपछि पनि रास्वपा सांसदहरू नबसेपछि सभामुखले कार्यसूची अगाडि बढाउने बताएका छन् ।

रास्वपाका विराजभक्त श्रेष्ठ, सोविता गौतम, सन्तोष परियारलगायतले पहिला बोल्नका लागि समय दिन माग गरे ।