दोलखामा ​जुवातास खेलिरहेको अवस्थामा ११ जना पक्राउ परेका छन् ।​ 

भीमेश्वर नगरपालिका- ३ बस्ने विजय लामाको लामा भान्सा होटलमा जुवातास खेलिरहेको अवस्थामा सोही नगरपालिका- ५ बस्ने ३४ वर्षीय सागर थापासहित ११ जनालाई गए राति पक्राउ गरिएको प्रहरीले जनाएको छ ।

जिल्ला प्रहरी कार्यालय दोलखा र प्रहरी चौकी सातदोबाटोबाट खटिएको प्रहरीले उनीहरूलाई पक्राउ गरेको हो ।

साथै प्रहरीले उनीहरूको साथबाट ५१ हजार ९ सय ९० रुपैयाँ, १ बुक तास र १३ थान मोबाइल बरामद गरेको छ ।

थप अनुसन्धान भइरहेको प्रहरीले जनाएको छ।