अमेरिकी राष्ट्रपति डोनाल्ड ट्रम्पले युक्रेनमा जारी युद्ध अन्त्य गर्न साउदी अरेबियामा अमेरिका र रुसबीच भएको शान्ति वार्तालाई 'धेरै राम्रो' भनेका छन्।

 ट्रम्पले शान्ति वार्ताको बारेमा पहिलेभन्दा 'बढी विश्वस्त' भएको बताए। उनले भने, "रूस केही गर्न चाहन्छ। तिनीहरू बर्बरता रोक्न चाहन्छन्। हरेक हप्ता हजारौं सैनिकहरू मारिएका छन्। यो मूर्खतापूर्ण छ।"

उनले थपे, "हामी यसको अन्त्य चाहन्छौं र यो अर्थहीन युद्ध हो। यदि म राष्ट्रपति भएको भए यो (युद्ध) कहिल्यै हुने थिएन।"

युक्रेनमा जारी युद्ध अन्त्य गर्ने विषयमा अमेरिकी विदेशमन्त्री मार्को रुबियो र रुसी विदेशमन्त्री सर्गेई लाभरोभबीच मंगलबार साउदी अरेबियामा शान्ति वार्ता भएको थियो । 

यसबारे युक्रेनी राष्ट्रपति भोलोडिमिर जेलेन्स्कीले दुई पक्षीय वार्ताप्रति आश्चर्य व्यक्त गरेका छन् । उनले भने, “हामी सबै पारदर्शिता चाहन्छौं ताकि कसैले पनि हाम्रो पछाडि केही निर्णय नगरोस्। हामीलाई रुस-अमेरिका वार्तामा आमन्त्रित गरिएको थिएन। अरू सबैजस्तै यो हाम्रो लागि पनि आश्चर्यको कुरा थियो। हामीले मिडियाबाट यसको बारेमा थाहा पायौं।”