२० असार २०८३, शनिबार
कर्तव्य ज्यान मुद्दाका फरार प्रतिवादी कञ्चनपुर बेदकोट नगरपालिका-१, घर भएका ३४ वर्षीय उद्धव बोहरा पक्राउ परेका छन् ।
बेदकोट नगरपालिका-१ हात्तीथलामा हर्कबहादुर खडायतलाई २०८० कात्तिक २८ गते उद्धवलगायतका व्यक्तिहरूले कुटपिट गर्दा घाइते भएका थिए । उनको उपचारका क्रममा २०८० पुस १० गते मृत्यु भएको थियो ।
घटनापछि फरार रहेका उद्धवलाई काठमाडौं उपत्यका अपराध अनुसन्धान कार्यालय टेकुबाट खटिएको प्रहरीले काठमाडौं महानगरपालिका-२९ अनामनगरबाट पक्राउ गरेको हो ।
उनलाई आवश्यक कारबाहीको लागि जिल्ला प्रहरी कार्यालय कञ्चनपुर पठाइएको अपराध अनुसन्धान कार्यालयले जनाएको छ ।
