२५ जेठ २०८३, सोमबार
मंगलबार भएको स्वतन्त्र विद्यार्थी युनियन (स्ववियु) निर्वाचनमा सत्तारुढ दल निकटका नेविसंघ र अनेरास्ववियुलाई पराजित गर्दै माओवादी निकट विद्यार्थी संगठनले विजयी शुरूआत गरेको छ।
हालसम्म प्राप्त विवरण अनुसार चार क्याम्पसमा अखिल क्रान्तिकारीले नेविसंघ र अनेरास्ववियुलाई पराजित गरेको हो ।
सिन्धुपाल्चोकको मेलम्ची भ्याली, धादिङ मलेखुको जय बागेश्वरी क्याम्पस र बाग्लुङको गल्कोट बहुमुखी क्याम्पसमा क्रान्तिकारीको प्यानल नै विजयी भएको हो ।
भ्याली क्याम्पसमा क्रान्तिकारीका राजन गिरी सभापति रहेको प्यानल नै विजयी भएको हो । गिरीले खसेको ७३ मत प्राप्त गरे । जहाँ ११२ मत खसेको थियो ।
त्यस्तै, जय बागेश्वरी क्याम्पसको सभापतिमा अनुनय सिलवाल विजयी भएका छन् । गल्कोट क्याम्पसमा क्रान्तिकारीका प्रभात साहनीको प्यानल नै विजयी भएको छ ।
यसैगरी, गुल्मीको श्रीङ्गिश्वर बहुमुखी क्याम्पस रानीवासमा नेविसंघ र अखिलको संयुक्त प्यानललाई भारी मतले पछि पार्दै अखिल (क्रान्तिकारी)का विशाल थापाको प्यानलै विजयी भएको छ ।
