२३ जेठ २०८३, शनिबार
राष्ट्रिय प्रजातन्त्र पार्टी (राप्रपा)का संसदीय दलका प्रमुख सचेतक ज्ञानेन्द्र शाहीले फागुन २५ गते पूर्वराजा ज्ञानेन्द्रलाई स्वागत गर्दा गणतन्त्रवादी दलको मुटु हल्लिएको टिप्पणी गरेका छन् ।
बिहीवार बसेको प्रतिनिधि सभाको शून्य समयमा सांसद शाहीले फागुन २५ गते पूर्वराजालाई आफूहरूले स्वागत मात्र गरेको र त्यो कसैका विरुद्धको आन्दोलन नभएको बताएका हुन् ।
‘फागुन २५ गते राजालाई हामीले राष्ट्रिय झण्डाले स्वागत गरेको हो, कसैका विरुद्धको आन्दोलन होइन । स्वागत गर्दा त मुटु हल्लियो, कलेजोले ठाउँ छाड्यो भने तपाईंहरूविरुद्ध आन्दोलन गर्नुपरे के हुन्छ ?’ शाहीले भने, ‘राजा गइसक्यो आउँदैनन् भन्नेलाई प्रश्न छ– अस्तु पनि नरहेका मास्क, लेनिन र माओ कसरी फर्किन्छन् ?’
पूर्वराजाको गतिविधिलाई लिएर संसद्मा टीका टिप्पणी भइरहेको छ ।
