२३ असार २०८३, मंगलबार
पोखराको पृथ्वीनारायण क्याम्पस (पीएन क्याम्पस)को स्वतन्त्र विद्यार्थी युनियन निर्वाचनको मतपरिणाममा अनेरास्ववियुको अग्रता कायमै छ ।
पछिल्लो विवरण अनुसार एमाले निकट अनेरास्ववियुका उम्मेदवार कांग्रेस निकट नेविसंघभन्दा दोब्बरले अग्रता लिइरहेका छन् ।
३०१ मत गन्दा एमाले निकट अनेरास्ववियुका विष्णु पोखरेलले अध्यक्षमा १२८ मतसहित अग्रता लिइरहेका छन् । उनलाई पछ्याइरहेका नेविसंघका सुशील न्यौपानेले ५२ र स्वतन्त्र उम्मेदवारी दिएकी विप्लवी न्यौपानेले ३८ मत पाएका छन् ।
अखिल क्रान्तिकारीका नवीन अधिकारीले २८, संयुक्त प्यानलका सन्तोष पौडेलले २० र प्राज्ञिक परिषद्का दिप्सन गुरुङले १० मत ल्याएका छन् ।
