१२ असार २०८३, शुक्रबार
सुनसरीको इटहरीस्थित सेन्ट्रल प्लाजामा बुधबार बिहान ९ः४३ बजेदेखि लागेको आगो अझै नियन्त्रण बाहिर रहेको छ । प्लाजामा रहेको होटलको बरन्डामा आगलागी भएको प्रहरीले जनाएको छ ।
इटहरी उपमहानगरपालिकाका दुई वटा दमकलको सहयोगमा आगो नियन्त्रणको प्रयास भइरहेको छ ।
सेन्ट्रल प्लाजामा रहेका एक जनाको उद्धार गरिएको छ ।
अन्यको पनि उद्धारको प्रयास भइरहेको सुनसरी प्रहरी प्रमुख सुमनकुमार तिम्सिनाले जानकारी दिए ।
अन्य कति जना छन् भन्ने खुलेको छैन । साथै आगलागीको कारण पनि खुल्न नसकेको प्रहरीले जनाएको छ ।
