काठमाडौं, ५ माघ –अब सरकारी कार्यालयमार्फत हुने सबै कारोबार बैङ्किङ च्यानलबाटमात्र हुने भएको छ । सरकारले आगामी आवदेखि सरकारी क्षेत्रबाट हुने सबै नगद प्रवाह बैंक खातामार्फत मात्र गर्ने व्यवस्था गर्न लागेको हो ।
त्यस्तै, सरकारले चालू आवमा मुलुकभरका करीव ७० प्रतिशत जनसंख्यालाई बैंङ्किङ च्यानलनमा ल्याउने जनाएको छ । त्यसका लागि सरकारले ‘एक व्यक्ति, एक बैंक खाता’ अभियानै सञ्चालन गर्ने भएको छ ।
अब शून्य मौज्दातमा बैंक एकाउन्ट
त्यस्तै, सरकारले जनतालाई बैंङिकङ च्यानलमा समावेश गर्नका लागि शून्य मौज्दातमा बैंक एकाउन्ट खोल्ने भएको छ । सो बापतको सेवा शूल्क सरकारले नै व्यहोर्ने छ ।
बैंङ्किङ सेवा विस्तारका लागि सरकारले मुलुकका सबै इलाकामा बैङ्किङ सेवा विस्तार गर्ने जनाएको छ । यसका लागि बैंकका शाखा विस्तारलाई तिव्रता दिइने अर्थ मन्त्रालयले बताएको छ ।
वैदेशिक रोजगारीका लागि विभिन्न मुलुकमा कार्यरत नेपालीलाई लक्षित गरेर धेरै नेपाली कार्यारत मुलुकमा बैंङ्किङ सेवा विस्तार गर्ने पनि सरकारको लक्ष्य छ ।
