१५ असार २०८३, सोमबार
स्याङ्जामा १३ वर्षीया बालिकालाई बलात्कार गरेको आरोपमा एक जना पक्राउ परेका छन् ।
पक्राउ पर्नेमा पुतलीबजार नगरपालिका-७ बस्ने २४ वर्षीय सुन्दर गौतम रहेका छन् । उनलाई प्रहरीले मंगलबार पक्राउ गरेको हो ।
सुन्दरले ती बालिकालाई शनिबार जबर्जस्ती करणी गरेको भन्ने उजुरीको आधारमा जिल्ला प्रहरी कार्यालय स्याङ्जाबाट खटिएको प्रहरीले उनलाई पक्राउ गरेको हो ।
उनीउपर जबर्जस्ती करणी मुद्दामा जिल्ला अदालत स्याङ्जाबाट म्याद थप अनुमति लिई आवश्यक अनुसन्धान भइरहेको प्रहरीले जनाएको छ ।
