राप्रपा सांसद दीपक बोहोराको निधनमा शोक प्रस्ताव पारित गरेर मंगलवारको बैठक स्थगित गर्नेगरी कार्यसूची फेरिएको छ । 

मंगलवार बिहान ११ बजेका लागि बोलाइएको बैठक बोहोराको निधनका कारण शोक प्रस्ताव पारित गरेर स्थगित गर्ने तयारी भएको हो । 

बहालवाला सांसदको निधनमा शोक प्रस्ताव पारितबाहेक अन्य कार्यसूचीमा प्रवेश नगर्ने संसदीय परम्परा छ । 

रूपन्देही–३ बाट प्रतिनिधि सभामा प्रत्यक्ष निर्वाचित सांसद बोहोराको उपचारको क्रममा मंगलवार काठमाडौंको ओम अस्पतालमा मृत्यु भएको थियो । 

७४ वर्षीय बोहोरा लामो समयदेखि घाँटीको क्यान्सरको बिरामी थिए ।

२०७९ सालमा प्रतिनिधि सभा निर्वाचित भएपनि संसदमा बोल्न सकेका थिएनन् ।

संसद् हिउँदे अधिवेशन आजै राति १२ बजेबाट अन्त्य हुँदैछ ।