अछाममा २१ वर्षीया युवतीलाई बलात्कार गरेको आरोपमा ५१ वर्षीय पुरुष पक्राउ परेका छन् । 

पक्राउ पर्नेमा रामारोशन गाउँपालिका-५ का ५१ वर्षीय चेतमान रोकाया रहेका छन् । उनलाई प्रहरीले बुधबार बिहान पक्राउ गरेको हो ।

रोकायाले ती युवतीलाई जबर्जस्ती करणी गरेको भन्ने उजुरीको आधारमा अस्थायी प्रहरी पोष्ट चौताराबाट खटिएको प्रहरीले उनलाई पक्राउ गरेको हो । 

घटनाका विषयमा आवश्यक अनुसन्धान भइरहेको अछाम प्रहरीले जनाएको छ ।