लेनदेन बिगोसम्बन्धी मुद्दामा एक वर्ष कैद सजाय तोकिएर फरार रहेका यक्षध्वज कार्कीलाई प्रहरीले पक्राउ गरेको छ । उनी काठमाडौंबाट पक्राउ परेका हुन् ।

कार्कीमाथि बिनोद कुमार महतोले दायर गरेको मुद्दामा काठमाडौं जिल्ला अदालतले २०७९ साल असार २८ गते १६ लाख २८ हजार ५ सय बिगो वापत एक वर्ष कैद सजाय सुनाएको थियो । तर, उनी त्यसपछि फरार थिए ।

दोलखा जिल्लाको गौरीशंकर गाउँपालिका–८ स्थायी ठेगाना भई हाल काठमाडौं महानगरपालिका–३२ मा बसोबास गर्दै आएका ६९ वर्षीय कार्कीलाई बिहीबार दिउँसो २ बजे नयाँ बानेश्वरबाट पक्राउ गरिएको काठमाडौं उपत्यका अपराध अनुसन्धान कार्यालयका एसपी अंगुर जिसीले जानकारी दिए । 

पक्राउ परेका कार्कीलाई फैसला कार्यान्वयनका लागि काठमाडौं जिल्ला अदालत पेस गरेकोमा अदालतको पत्र अनुसार कारागार चलान गरिएको छ ।