२४ जेठ २०८३, आइतबार
चिनियाँ राष्ट्रपति सी जिनपिङ मलेसिया पुगेका छन् । यसपछि उनी कम्बोडिया जाने बीबीसीले जनाएको छ ।
राष्ट्रपति जिनपिङ दक्षिण दक्षिणपूर्वी एसियाली देशहरूको भ्रमणमा छन् । उनको भ्रमणको उद्देश्य यी देशहरूसँग आर्थिक सहयोग बढाउनु रहेको समाचारमा उल्लेख छ ।
राष्ट्रपति जिनपिङ मंगलबार भियतनाम पुगेका थिए । त्यहाँ उनले धेरै सम्झौताहरूमा हस्ताक्षर गरेका थिए ।
अमेरिकाले दक्षिण पूर्वी एसियाका केही देशहरूमा धेरै उच्च शुल्क लगाएको छ । यसमा भियतनाममा ४६ प्रतिशत र कम्बोडियामा ४९ प्रतिशत भन्सार लगाइएको छ ।
विश्वभरका सरकारहरू अमेरिकी राष्ट्रपति ट्रम्पसँग भन्सार मुद्दामा सम्झौता गर्न प्रयासरत छन् भने अर्कोतर्फ चीनले धेरै देशहरूलाई भन्सारको विरुद्धमा एकताबद्ध हुन अपील गरिरहेको छ ।
