१० असार २०८३, बुधबार
भारतको जम्मू-कश्मीरस्थित पहलगाममा पर्यटकमाथि भएको आतंकवादी हमलापछि राजधानी दिल्लीसम्म सुरक्षा व्यवस्था कडा पारिएको छ ।
समाचार एजेन्सी पीटीआईका अनुसार मंगलबार जम्मू कश्मीरको पहलगाममा भएको आतंकवादी हमलापछि दिल्लीमा सुरक्षा व्यवस्था कडा पारिएको हो ।
अधिकारीहरूले यो कदम सावधानीका रूपमा उठाइएको भारतीय सञ्चार माध्यमहरूले जनाएका छन् ।
मंगलबार जम्मू-कश्मीरको पहलगाममा पर्यटकहरूमाथि आतंकवादी आक्रमण भएको थियो । आक्रमणमा अतिवादीहरूले पर्यटकहरूमाथि गोली चलाएका थिए, जसमा एक नेपालीसहित २७ बढीको मृत्यु भएको थियो ।
आक्रमणपछि दिल्ली प्रहरीले शहरभर सुरक्षा व्यवस्था बढाएको छ।
विशेषगरी पर्यटकीय स्थल र शहरको सिमानामा कडा जाँच र निगरानी भइरहेको समाचारमा उल्लेख छ ।
सुरक्षाकर्मीहरूले विभिन्न स्थानमा सवारी साधन जाँच गरिरहेका छन् र सडकहरूमा व्यापक अवरोध गरिएको छ।
