०३ साउन २०८३, आइतबार
प्रधानमन्त्री केपी शर्मा ओलीले भारतीय समकक्षी नरेन्द्र मोदीसँग टेलिफोन संवाद गरेका छन् ।
जम्मू-कश्मीरमा आतंकवादी हमला भएको घटनाको विषयमा ओलीले भारतीय समकक्षी मोदीसँग बुधबार दिउँसो कुराकानी गरेको प्रधानमन्त्रीको सचिवालयले जनाएको छ ।
ओलीले मोदीसँग कश्मीरमा आतंकवादीले क्रुर घटना गराएको भन्दै यसविरुद्ध भारतप्रति नेपालको दृढ ऐक्यवद्धता भएको उल्लेख गरेका छन् ।
कश्मीरको पहलगाममा भएको आतंकवादी आक्रमणमा ज्यान गुमाउनेहरूप्रति ओलीले गहिरो समवेदना व्यक्त गरे ।
जवाफमा मोदीले आभार प्रकट गरेका छन् । मंगलबार भएको आक्रमणमा एक नेपालीसहित २८ जना मारिएका थिए ।
मोदीसँगको कुराकानीपछि प्रधानमन्त्री ओलीले सामाजिक सञ्जाल एक्समा हिन्दी र अंग्रेजी भाषामा वक्तव्य दिएका छन् ।
