नेकपा (माओवादी केन्द्र)ले शिक्षकका माग सम्बोधन गर्न विपक्षी दलको तर्फबाट प्रतिनिधि सभामा दर्ता गराइएको जरूरी सार्वजनिक महत्वको प्रस्ताव यथाशीघ्र छलफल गराउन माग गरेको छ । 

मंगलवार बसेको प्रतिनिधि सभा बैकको शुरूमै सभमुखसँग समय लिएर माओवादी संसदीय दलका प्रमुख सचेतक हितराज पाण्डेले जरुरी सार्वजनिक महत्वको प्रस्तावमा छलफल गराउन माग गरेका हुन् । 

त्यसपछि एमाले संसदीय दलका मुख्य सचेतक महेश बर्तौलाले सरकारले वार्ता प्रक्रिया शुरू गरेकोले सदनको ध्यानाकर्षण भएको बताए । उनले जरुरी सार्वजनिक महत्वको प्रस्तावमा छलफल जरुरी नरहेको आशय राखेका थिए ।

त्यसपछि माओवादी सचेतक पाण्डेले आफूहरूले सरकारको जवाफ चाहेको बताए । ‘शिक्षकका समस्या समाधान खोज्न जरूरी सार्वजनिक महत्वको प्रस्ताव दर्ता गरेका हौं । सरकारबाट जवाफ माग गरेका हौं, कुनै सांसदको जवाफ होइन । जरुरी जरूरी महत्वको प्रस्तावमाथि छलफलको वातावरण बनाउन माग गर्छु’ पाण्डेले भने । 

त्यसपछि सभामुख देवराज घिमिरेले सरकारको प्रतिनिधि मन्त्री संसदमा रहेको र सरकारले आफ्नो जिम्मेवारी निर्वाह गर्ने बताए । यसअघि बैठक शुरू हुनुअघि सरकारका मन्त्रीले समय नदिएकोले आजको बैठकमा जरुरी सार्वजनिक महत्वको प्रस्तावमा छलफल गर्न नसकिने बताएका थिए । 

माओवादी केन्द्रलगायत दलले हिजो मात्र जरुरी सार्वजनिक महत्वको प्रस्ताव संसद्मा दर्ता गराएका थिए ।