२८ जेठ २०८३, बिहीबार
महोत्तरीको मनराशिसवा नगरपालिका- १ मनरा ब्रह्मस्थान नजिकै रहेको पोखरीमा डुबेर २ बालकको मृत्यु भएको छ ।
मृत्यु हुनेमा सोही ठाउँका विकेश सिंहका १० वर्षीय छोरा शुभमकुमार सिंह र सप्तरी डाक्नेश्वरी नगरपालिका- ९ पथरघाटा लक्ष्मीपट्टी गाउँ बस्ने रूपेश सिंहका ९ वर्षीय छोरा आयुषकुमार सिंह रहेका छन् ।
उनीहरूको सोमबार राति मृत्यु भएको हो ।
पोखरीमा डुबेर अशक्त भएका उनीहरूको नगर अस्पताल मनरामा उपचारको क्रममा मृत्यु भएको हो ।
थप अनुसन्धान भइरहेको प्रहरीले जनाएको छ ।
