०२ असार २०८३, मंगलबार
नेकपा माओवादी केन्द्रका अध्यक्ष पुष्पकमल दाहाल प्रचण्डले निर्वाचन लगत्तै एमालेसँगको पार्टी एकता प्रक्रियाले पुर्णता पाउने बताएका छन् ।
शनिबार ललितपुरको सुनाकोठीमा आयोजीत चुनावी सभामा प्रचण्डले चुनाव सकिएलगत्तै पार्टी एकताले मुर्त रुप पाउने दाबी गरेका हुन् ।
वामपन्थीहरुका बीचमा देखिएको अभुतपूर्व एकताले नेपालको राजनीतिमा नयाँ आशा र तरंग पैदा भएको बताउँदै एकता भाँड्न दक्षिणपन्थीहरु लागिपरेको उनको अरोप थियो ।
अध्यक्ष प्रचण्डले पहिलो चरणको निर्वाचनमा नेपाली जनताले वाम शक्तिलाई पूर्ण विश्वास गरेको र दोस्रो चरणमा पनि दुई तिहाई मत आफूहरुको पक्षमा आउने दाबी गरे ।
प्रचण्डले अबको पाँच वर्ष देश विकासका लागि वामशक्तिहरुले काम गर्ने बताउँदै देशको मुहार फेर्न जनताले आफुहरुलाई साथ दिने बताए । उनले पार्टी एकता पश्चात् नेपालमा एउटै कम्युनिष्ट केन्द्र रहने दाबी पनि गरे ।
कार्यक्रममा ललितपुर–३ की वाम उम्मेदवार पम्फा भुषालले समृद्व नेपाल निर्माणका लागि वाम शक्तिका उम्मेदवारलाई मतदान गर्न आग्रह गरिन् । कार्यक्रममा ललितपु–३ का प्रदेश सभाका उम्मेदवार राजकाजी महर्जन र जीवन खड्का लगायतले वाम उम्मेदवारलाई मतदान गर्न मतदातासामु आग्रह गरे ।
