२५ जेठ २०८३, सोमबार
गुल्मीमा पौडी खेल्ने क्रममा बेपत्ता भएका किशोरको शव फेला परेको छ ।
मुसिकोट नगरपालिका- ४ स्थित छल्दी खोलामा डुबेर सोही नगरपालिका- ६ भुवाचिदी बस्ने १७ वर्षीय ग्रिस्म शर्मा बेपत्ता भएका थिए ।
आइतबार दिउँसो पौडी खेल्ने क्रममा डुबेर बेपत्ता भएका उनको साँझ शव फेला पारेको हो ।
उनी बेपत्ता भएको भन्ने खबर प्राप्त हुनासाथ प्रहरी चौकी वामीटक्सारबाट खटिएको प्रहरीले खोजी गर्ने क्रममा उनको शव फेला पारेको थियो ।
थप अनुसन्धान भइरहेको प्रहरीले जनाएको छ ।
