नेपाल प्रहरीको प्रहरी सहायक निरीक्षक (असई) कुन्जाङ छोपेल शेर्पाले विश्वको सर्वोच्च शिखर सगरमाथाको सफल आरोहण गरेकी छिन् । 

आज बिहान ८ बजेर ५६ मिनेटमा शेर्पाले सगरमाथाको सफल आरोहण गरेकी हुन् । 

प्रहरी केन्द्रीय प्रवक्ता एवं प्रहरी वरिष्ठ उपरीक्षक (एसएसपी) रमेश थापाका अनुसार महिला हिंसाविरुद्ध एक जुट हुने लक्ष्यसहित शेर्पाले सगरमाथा चढेकी थिइन् । 

शेर्पा फर्किएपछि उनलाई प्रहरी महानिरीक्षक दीपक थापाले सम्मान गर्ने छन् ।