२४ जेठ २०८३, आइतबार
काठमाडौं, १७ मंसिर—सधैं भीडभाड रहने राजधानीको व्यस्त बजार असनमा आइतबार थप भिडभाड देखियो । नेवार समूदायको चाड योमरी पुन्हीको अवसमा असनमा बेच्न राखिएको योमरी किन्नेहरुका कारण असन थप भीडभाड बन्न पुगेको हो ।
नेवार समूदायको विशेष परिकार मानिने योमरीको स्वाद चाख्नको लागि मधेसी, हिमाली पहाडी सबै समूदायका मानिस आएको व्यापारी निराजन शाहीले बताए । उनले योमरीको व्यापार राम्रो रहेको बताउँदै आफूलेमात्रै शनिबारदेखि आइतबार साँझसम्म ६० हजारबढी पिस बेचेको जानकारी दिए । एक पिस योमरीको ६० रुपयाँमा बेच्ने गरेको पनि उनले जानकारी दिए ।
योमरीको व्यापार सोमाबारसम्म गरिने व्यापारीहरु बताउँछन् ।
धन्यपुर्णिमाको दिन नेवार समुदायले योमरी पूनी मनाउँछन्। सोहि अवसरमा योमरी खाने प्रचलन सो समूदायमा रहेको छ ।
नेवारी भाषामा यो भन्नाले मन पर्ने र मरी भन्नाले रोटी भन्ने बुझिन्छ। योमरी भित्र विषेशगरी चाकु र खुवा राख्ने चलन छ ।
