०६ साउन २०८३, बुधबार
सरकारले कृषि क्षेत्रमा आधुनिकीकरण गर्दै अर्थतन्त्रको रूपान्तरण गर्ने योजना अघि सारेको छ।
आर्थिक वर्ष २०८२/८३ को बजेट प्रस्तुत गर्दै अर्थमन्त्री विष्णु पौडेलले कृषिको उत्पादकत्व वृद्धि गरी खाद्य सम्प्रभुता सुनिश्चित गरिने बताए।
उनका अनुसार सामूहिक सहकार्यका मोडेल र निजी फर्महरूमार्फत् कृषिलाई व्यवसायिक र आधुनिक बनाइनेछ। यसका लागि ३ अर्ब ५० करोड रूपैयाँ बजेट विनियोजन गरिएको उनले जानकारी दिए।
अर्थमन्त्रीले कृषिमा प्रविधिको प्रयोग, आधुनिक प्रणाली तथा बजारमैत्री उत्पादन प्रणालीमार्फत् कृषि क्षेत्रलाई मुलुकको आर्थिक मेरुदण्ड बनाउने सरकारको लक्ष्य रहेको बताए।
