मकवानपुरको चित्लाङबाट काठमाडौं आउँदै गरेको एउटा मोटरसाइकल दुर्घटनामा परेको  छ ।

चन्द्रागिरि नगरपालिका-४ पानीघाटमा शनिबार राति प्रदेश ०२–०१ प ८०६८ नम्बरको मोटरसाइकल दुर्घटनामा हुँदा एक जनाको मृत्यु भएको छ भने अर्का एक जना घाइते भएका छन् । 

मृत्यु हुनेमा नुवाकोटको ककनी गाउँपालिका-१ की ३६ वर्षीया सुनिता बलामी रहेकी छन् । प्रहरीका अनुसार दुर्घटनामा गम्भीर घाइते भएकी उनको सशस्त्र प्रहरी बल अस्पताल बलम्बुमा उपचारका क्रममा मृत्यु भएको हो ।

दुर्घटनामा मोटरसाइकल चालक ककनीकै मानबहादुर बलामी घाइते भएका छन्।  उनको एपीएफ अस्पतालमै उपचार भइरहेको छ।