१२ साउन २०८३, मंगलबार
निरन्तर अवरुद्ध भइरहेको संसद् खुलाउने विषयमा सभामुख देवराज घिमिरेले प्रमुख दलका सचेतकसँग छलफल गरेका छन् । छलफलमा कानून, न्याय तथा संसदीय मामिलामन्त्री अजय कुमार चौरसिया पनि सहभागी भए ।
तर, छलफलमा सत्तापक्ष र प्रतिपक्ष आ-आफ्नो अडानबाट टसमस भएनन् । दुवै पक्षले आफ्न अडान कायम रहेको सभामुखको सचिवालयले जनाएको छ ।
बुधबार दिउँसो १ बजेका लागि भनेर तय भएको बैठक अझै बस्न सकेको छ । बैठकअघि सभामुख नेपाली कांग्रेस, नेकपा एमाले, नेकपा माओवादी केन्द्र, रास्वपा लगायतका दलका प्रमुख सचेतसँग छलफल गरेका थिए ।
मंगलबार पनि प्रतिनिधिसभा बैठक बस्न सकेको थिएन । दुई पटक सूचना टाँसेर बस्दै नबसी बुधबारसम्मका स्थगित भएको थियो ।
भिजिट भिसा दुरुपयोग प्रकरणमा गृहमन्त्री रमेश लेखकले राजीनामा दिनुपर्ने विपक्षी दलको माग छ भने सत्तापक्ष त्यसमा तयार छैन । सत्तापक्षले गृहमन्त्रीले सदनमा बोल्न पाउनुपर्ने अडान राखेको छ ।
विपक्षी दलहरूले भिजिट भिसा प्रकरणको छानबिन गर्न उच्चस्तरीय समिति गठन गर्नुपर्ने समेत माग राखेका छन् । सत्ता पक्ष समिति गठनका लागि तयार नभएकोले बैठक अवरोध कायम राख्ने विपक्षी दलको रणनीति छ ।
