२९ जेठ २०८३, शुक्रबार
लण्डन जाँदै गरेको एअर इण्डियाको विमान बिहीबार दिउँसो अहमदाबादमा दुर्घटना भएको छ । दुर्घटनामा ठूलो क्षति भएको अनुमान गरिए पनि विस्तृत विवरण भने आउन बाँकी छ ।
२४२ जना सवार उक्त विमानमा गुजरात राज्यका पूर्वमुख्यमन्त्री विजय रुपाणी पनि सवार रहेका भारतीय सञ्चार माध्यमले जनाएका छन् ।
भारतीय सञ्चारमाध्यमहरूले स्रोतलाई उद्धृत गर्दै जनाएअनुसार दुर्घटनामा करिब १०० जना घाइते भएका छन् । विमान एक घना बस्ती भएको क्षेत्रमा खसेको बताइएको छ, जहाँ दुई किलोमिटर टाढासम्म धुवाँ देखिएको थियो ।
दुर्घटनापछि गुजरात राज्यमा भारतीय जनता पार्टी (भाजपा)का सबै कार्यक्रम रद्द गरिएका छन्।
विमान दुर्घटनापछि भारतका केन्द्रीय गृहमन्त्री अमित शाहले गुजरातका मुख्यमन्त्री, गृहमन्त्री तथा प्रहरी कमिश्नरसँग फोनमा कुरा गरेका छन् ।
शाहले घटनास्थलमा केन्द्र सरकारबाट आवश्यक सहयोग उपलब्ध गराइने आश्वासनसमेत दिएका छन् ।
दुर्घटनाबारे विस्तृत विवरण आउन बाँकी छ ।
