नेपाल कम्युनिस्ट पार्टी (एमाले)का महासचिव शंकर पोखरेल बिहीबार बेलायत प्रस्थान गरेका छन् । 
   
अन्तर्राष्ट्रिय नेपाली मञ्चको बेलायतको अधिवेशनमा सहभागी हुन उनी एमालेका पोलिटब्यूरो सदस्य सुजिता शाक्यसहित प्रस्थान गरेको केन्द्रीय कार्यालयका सचिव डा. भीष्म अधिकारीले जानकारी दिए । 
     
बेलायतमा रहँदा महासचिव पोखरेलले त्यहाँका नेपाली समुदायसँगै विभिन्न कूटनीतिज्ञसँग भेटवार्ता गर्ने कार्यक्रम रहेका एमाले केन्द्रीय सदस्य एवं यूरोप–अमेरिका इन्चार्ज घनश्याम पाण्डेले जानकारी दिए । 

महासचिव पोखरेल बेलायतपछि कतारमा आयोजना हुने एमाले पार्टीका प्रवास कमिटीका विभिन्न कार्यक्रममा सहभागी हुने जनाइएको छ । 

महासचिव पोखरेल आगामी असार ८ गते स्वदेश फर्कने कार्यतालिका रहेको छ ।