१० साउन २०८३, आइतबार
क्लब विश्वकप फुटबलमा म्यानचेस्टर सिटीले सहज जीत दर्ता गरेको छ । गएराति सम्पन्न खेलमा सिटीले मोरक्कोको क्लब विदादविरुद्ध २–० को सहज जित दर्ता गरेको हो ।
खेलको शुरूआतमै फिल फोडेनले गोल गर्दै टोलीलाई अग्रता दिलाएका थिए । खेलको दोस्रो मिनेटमै फोडेनले सहज गोल गरेका थिए । ४२औं मिनेटमा जेरिमी डोकुले दोस्रो गोल गरे ।
८८औं मिनेटमा सिटीका रिको लुइसले सामुएल ओबेन्गमाथि ट्याकल गर्दा रातो कार्ड खाँदै मैदानबाट बाहिरिएका थिए । त्यसपछि सिटी १० खेलाडीमा सीमित रह्यो ।
सिटी समूह ‘जी’ मा शीर्ष स्थानमा छ। अब आइतबार अटलान्टामा अल–आइनको सामना गर्नेछ।
विदाद भने फिलाडेल्फियामै रहेर अर्को प्रतिद्वन्द्वी युभेन्ट्ससँग भिड्नेछ।
यसैगरी, रियल मड्रिड भने अल हिलालसँग बराबरीमा रोकिएको छ । क्लब विश्वकपको पहिलो खेलमा अल हिलालले रियललाई १–१ को बराबरीमा रोकेको हो ।
अमेरिकाको हार्ड रक स्टेडियममा भएको समूह ‘एच’ अन्तर्गतको यो खेलमा रियलका गोन्जालो गार्सियाले ३४औं मिनेटमा गोल गरे। अल हिलालका रुबेन नेभेसले सात मिनेटपछि पेनाल्टीमार्फत बराबरी गोल फर्काए।
