राष्ट्रिय स्वतन्त्र पार्टी (रास्वपा)ले आफ्नो तेस्रो स्थापना दिवसको अवसरमा काठमाडौंको तीनकुने घटनामा ज्यान गुमाएका पत्रकार सुरेश रजकको परिवारलाई सहयोग गरेको छ ।

रास्वपाका महामन्त्री कवीन्द्र बुर्लाकोटी, कोषाध्यक्ष लीमा अधिकारी र कोष व्यवस्थापन विभागका सदस्य जगदीश खरेल शनिबार स्वर्गीय पत्रकार रजकको घर पुगेर ३ लाख रुपैयाँ सहयोग गरेका हुन् ।

पत्रकार रजकको २०८१ चैत १५ गते तीनकुनेमा भएको राजावादीको प्रदर्शनका क्रममा जलेर मृत्यु भएको थियो ।

सहयोग रकम हस्तान्तरण गर्दै रास्वपाले आगामी दिनमा पत्रकारको सुरक्षाप्रति राज्य संयन्त्र, राजनीतिक दल र आन्दोलनकारीलाई जिम्मेवार बन्न माग गरेको छ ।