०४ असार २०८३, बिहीबार
संयुक्त राष्ट्रसंघको आणविक निगरानी संस्था अन्तर्राष्ट्रिय आणविक ऊर्जा एजेन्सी (आईएईए)ले इरानी आणविक स्थलहरूमा विकिरण फैलिएको नपाइएको जनाएको छ ।
इरानका ३ न्युक्लियर साइट्सलाई निसाना बनाएर अमेरिकाले गएराति बमबारी गरेको थियो ।
आईएईएले जारी गरेको विज्ञप्तिमा भनिएको छ, 'इरानमा अमेरिकी आक्रमणपछिको अवस्थासम्बन्धी प्राप्त तथ्यांकअनुसार ती ठाउँको वरपरको विकिरण स्तरमा कुनै वृद्धि देखिएको छैन।'
अमेरिकाले फोर्डोसहित ३ वटा आणविक साइटमा गएराति हवाई हमला गरेको थियो।
उक्त संस्थाले भनेको छ, 'इरानको अवस्थाबारे थप जानकारी प्राप्त भएपछि मात्रै हामी थप मूल्यांकन सार्वजनिक गर्नेछौं ।'
