२५ जेठ २०८३, सोमबार
भारतको उत्तराखण्डस्थित रुद्रप्रयागको घोल्टीर क्षेत्रमा एउटा मिनी गाडी नदीमा खसेको छ ।
दुर्घटनामा अहिलेसम्म तीन जना यात्रुको मृत्यु भएको भारतीय सञ्चार माध्यमहरूले जनाएका छन् । ७ जनाको उद्धार गरिएको छ भने ९ जना अझै बेपत्ता छन् । उनीहरूको खोजी कार्य भइरहेको समाचारमा उल्लेख छ ।
केदारनाथ र रुद्रप्रयागका विभिन्न क्षेत्रमा केही दिनदेखि भइरहेको भारी वर्षाका कारण अलकनन्द नदीमा पानीको बहाव धेरै तीव्र छ। जसका कारण उद्धार कार्यमा समस्या भएको हो ।
गाडीमा गुजरात र राजस्थानका मानिसहरू सवार थिए । यी मानिसहरू चारधाम यात्राको लागि उत्तराखण्ड आएका थिए ।
