१६ असार २०८३, मंगलबार
दाङको लमही नगरपालिका–३ टिकुलीगढमा तुलबहादुर पुन र भरतबहादुर बुढामगरले व्यावसायिक रूपमा ड्रागन फ्रुट खेती गरेका छन् ।
पुन र बुढामगर मिलेरे थुर्पामाडी बहुउद्देश्यीय कृषि, फलफूल तथा पशुपन्छी फार्म दर्ता गरी खेती शुरू गरेका हुन् ।
एक वर्षदेखि तीन बिघा जग्गा भाडामा लिएर ड्रागन खेती गर्दै आएका उनले थोकमा प्रतिकिलो ३५० र फुटकरमा ४०० का दरले बिक्री गर्ने गरेका छन् ।
उक्त फल धेरै फार्मबाट बिक्री हुने गरेको उनले बताए । अहिले दैनिक दुई क्विन्टलभन्दा बढी बिक्री भइरहेको उनको भनाइ छ । तस्वीर : रासस
