काठमाडौं, २१ मंसिर – चाउरी परेको अनुहार, सेतै फुलेका कपाल माथि ढाका टोपी, लौरोको साहरामा विस्तारै हिड्दै थिए, भक्तपुरका ९२ वर्षिया मतदाता शिव प्रसाद चौलागाईँ ।
चौलागाईँ लौरोको सहरामा दिउँसो २ बजेतिर झक्तपुर बहुमुखी क्याम्पसमा रहेको मतदान केन्द्रमा मतदान गरेर फर्कदै थिए । 

९२ वर्षीय चौलागाईँ भोट हाल्नकै लागि एक्लै आएका थिए । भोट हालेपछि आफुले पाउँदै आएको वृद्धभत्ता बढाउँछन् भन्ने आशाले  भोट हाल्न आएको चौलागाईँले लोकान्तरलाई बताए ।
 मतदान गरेर फर्कदै गरेका चौलागाईले भने, ‘मैले हालेको प्रतिनिधिले जित्छ, मर्ने कहिले हो कहिले, बाँचुन्जेर अब पाँच हजार पाउँछु भन्ने आशा छ ।’

सोहि मतदान केन्द्रबाट मतदान गरेर फर्कर्दै गरेका मतदाताहरुले ले भने, ‘हामीले भोट हालेर फर्कियौ । तीनओटा मतपत्रमा ४ छाप लाएर आयौ । अब कस्ले जित्छ भनेर मतगणना भएपछि नै थाहा हुन्छ ।’
काठमाडौंको विभिन्न स्थानमा भइरहेको मतदानको अवलोकोकन गर्दै लोकान्तर समुह  त्यहा पुग्दा पारिलो घाममा मतदाताहरु लाइमा बसेर भोट हाल्दै थिए । भक्तपुरको विभिन्न मतदान केन्द्रहरुमा शान्तिपुर्ण तवरमा मतदान कार्य भइरहेको थियो ।

काठमाडौं र भक्तापुरको मतदान केन्द्रहरुको अवलोकान पछि हामी काभ्रेको केही मतदान केन्द्रहरुमा पुग्यौं । काभ्रेमा काठमाडौं र भक्तपुरमा जस्तो उत्साह देखिएन । काभ्रेका मतदान केन्द्रहरुमा मतदाताहरु मतदाताको कुनै लाइन थिएन । दिउँसो तीन बजे धुलिखेलको संजिवनी माविको मतदान केन्द्रमा दिउँसो पुग्दा मतदान स्थल सुनसान थियो । केही मतदाताहरु भोट हाल्न आइरहेका थिए ।

निर्वाचन आयोगका कर्मचारीहरु मतदाताको बाटो कुरेर बसिरहेका थिए । विहान ७ बजेबाट सुरु भएको सो मतदान केन्द्रमा शान्तिपुर्ण तवरले मतदान भएको  संजिवनी मावि मतदान केन्द्रका निर्वाचन अधृकित ढुन्डीराज दहालले बताए । ‘पाँच सय ८८ मतदाता रहेको यो केन्द्रमा ६० प्रतिशत सम्म मतदान हुन्छ भन्ने अनुमान गरेका छौ ।’