२७ जेठ २०८३, बुधबार
काभ्रेको पाँचखाल नगरपालिकाले आफ्ना नगरवासीलाई निःशुल्क रगत उपलब्ध गराउने व्यवस्था गरेको छ ।
नगरवासीलाई नि:शुल्क रगत दिन नगरपालिकाले नेपाल रेडक्रस सोसाइटीसँग सम्झौता गरेको हो ।
पाँचखालवासीले उपचारका क्रममा रक्तअभावका कारण ज्यान गुमाउनु नपरोस् भन्ने उद्देश्यले नेपाल रेडक्रस सोसाइटीसँग सम्झौता गरेको नगरप्रमुख महेश खरेलले बताए ।
सम्झौताअनुसार रेडक्रसले निःशुल्क आवश्यक रगत उपलब्ध गराएबापत नगरले प्रतियुनिट एक हजार ५० का दरले रकम प्रदान गर्नेछ ।
