भारतको नम्बर वान अडियो वेयरेबल ब्रान्ड बोटले नेपालमा आफ्नो आगमनको औपचारिक घोषणा गरेको छ । यद्यपि बोटले नेपालमा पहिले नै बलियो उपस्थिति बनाइसकेको छ । नेपाल आगमनको औपचारिक घोषणा ब्रान्डको अन्तर्राष्ट्रिय यात्रामा एक महत्त्वपूर्ण उपलब्धि भएको कम्पनीले जनाएको छ ।

अब यसले अत्यधिक प्रशंसित ‘निर्भाना’ सिरिजको आधिकारिक सार्वजनिकमार्फत आफ्नो उपस्थिति औपचारिक बनाएको छ ।

उच्च प्रदर्शन क्षमतायुक्त एएनसी (एक्टिभ न्वाइज क्यान्सेलेसन) युक्त इयरफोन र इयरबड्स समावेश गरिएको प्रिमियम ‘निर्भाना’ सिरिज अब नेपालभरका प्रमुख अनलाइन तथा अफलाइन खुद्रा प्लेटफर्महरूमा उपलब्ध हुनेछ ।

बोटले अडियो वेयरेबल क्षेत्रमा आफ्नो प्रभुत्व जमाउँदै आएको छ र नेपाल प्रवेश गरेको केही वर्षमै यो वर्गका शीर्ष तीन ब्रान्डमध्ये एकको रूपमा स्थापित भइसकेको छ, जसले नेपाली उपभोक्ता माझ यसको गहिरो रुचि र विश्वासलाई प्रमाणित गर्दछ ।

बोटलाई राष्ट्रिय रूपमा टेलिटक प्रालि (रमेश कर्प अन्तर्गतको संस्था)ले वितरण गर्दै आएको छ ।

बोट छोटो समयमा नै नेपालका प्रविधिमैत्री र युवापुस्ताको रोजाइको ब्रान्ड बन्न सफल भएको छ, जसले अत्याधुनिक प्रविधि, आकर्षक डिजाइन र सुलभ मूल्यको संयोजन प्रस्तुत गर्दछ ।

टेलिटकले नेपालमा दूरसञ्चार र उपभोक्ता इलेक्ट्रोनिक्सको द्रुत रूपान्तरण भइरहेको परिवेशमा काम गर्दै आएको छ । बलियो वितरण सञ्जाल र विश्वव्यापी साझेदारीको माध्यमबाट कम्पनीले नेपाली उपभोक्तालाई नवप्रवर्तनयुक्त प्रविधि उत्पादन प्रदान गरिरहेको छ ।

बोटका सह-संस्थापक तथा प्रमुख मार्केटिङ अधिकृत अमन गुप्ताले भने, 'नेपाल सधैं हाम्रो लागि विशेष स्थान रहँदै आएको छ, र हामी यस जीवन्त र विकासोन्मुख बजारमा आफ्नो औपचारिक उपस्थिति जनाउन पाउँदा अत्यन्त हर्षित छौं । नेपाली उपभोक्ताबाट पाएको प्रतिक्रिया अत्यन्त उत्साहजनक छ, र हामी हाम्रो ब्रान्डमा राखिएको विश्वासप्रति आभारी छौं । हाम्रो प्रिमियम ‘निर्भाना’ सिरिजको शुरूआतसँगै हामी आजको जीवनशैली अनुसारको आवश्यकतालाई सम्बोधन गर्ने उच्च गुणस्तरीय र डिजाइन–मुखी अडियो अनुभव प्रदान गर्ने प्रतिबद्धता दोहोर्‍याउँछौं ।'​

बोटको पोर्टफोलियोमा जीवनशैली–अनुकूल, प्रविधि–सक्षम र राम्रो डिजाइन भएका उत्पादनहरू समावेश छन् जुन युवा तथा डिजिटल रूपमा सक्षम उपभोक्तालाई लक्षित गरिएको छ । आईएमएलले क्वालकॉम–पावर्ड उत्पादनहरू र डल्बी–इनेबल्ड अडियो विशेषतामार्फत नवप्रवर्तन गर्दै आएको छ ।

कम्पनीमा साउथ लेक इन्भेस्टमेन्ट लिमिटेड (वारबर्ग पिन्कस समूहको सहायक संस्था), क्वालकॉम भेन्चर्स एलएलसी र फायरसाइड भेन्चर्स इन्भेस्टमेन्ट फन्ड १ (फायरसाइड इन्भेस्टमेन्ट ट्रस्ट अन्तर्गतको स्किम) को लगानी रहेको छ ।

कम्पनीका कार्यालयहरू हाल दिल्ली, मुम्बई र बेंगलुरुमा अवस्थित छन् ।