कालिगण्डकी नदीमा जलसतह खतराको तह नजिक पुगेको जनाइएको छ। जल तथा मौसम विज्ञान विभागले दिएको जानकारीअनुसार मंगलबार राति ८ बजेसम्म मुस्ताङ जिल्लास्थित जोमसोम जलमापन केन्द्रमा नदीको जलसतह सतर्कता तहको आसपासमा पुगेको छ र अझै बढ्दो क्रममा रहेको छ।

विभागले मुस्ताङ क्षेत्र हुँदै बग्ने कालिगण्डकी नदी, रौघाट खोला, म्याग्दी खोला लगायत स-साना सहायक नदीहरूमा पनि बाढीको जोखिम बढेको जनाएको छ। विशेष गरी तल्लो तटीय क्षेत्रका बासिन्दाहरूलाई आज राति र भोलि बिहानसम्म उच्च सतर्कता अपनाउन अनुरोध गरिएको छ।