भारतको गुजरातस्थित आनन्द जिल्लामा बुधबार महिसागर नदीमा रहेको गम्भीरा पुल भत्किएको छ । मध्य गुजरातलाई सौराष्ट्रसँग जोड्ने र बडोदरालाई आनन्दसँग जोड्ने पुल भत्किएको हो । 

पुल भत्किँदा धेरै सवारी साधनहरू नदीमा खसेका छन् । घटनाको खबर पाउनेवित्तिकै स्थानीय प्रशासनले राहत र उद्धार कार्य शुरू गरेको बीबीसी हिन्दीले जनाएको छ ।

अहिलेसम्म तीन जनालाई सुरक्षित रूपमा उद्धार गरिएको र कुनै हताहत भएको आधिकारिक पुष्टि नभएको समाचारमा उल्लेख छ ।