१६ असार २०८३, मंगलबार
यमनको तटस्थित लाल सागरमा लाइबेरियाली झण्डा बोकेको कार्गो जहाजमा आक्रमण हुँदा चालक दलका दुई सदस्यको मृत्यु भएको छ ।
'अन्तर्राष्ट्रिय समुद्री संगठन'मा लाइबेरियाको प्रतिनिधिले जहाजमाथि भयानक आक्रमण भएको बताएका छन्, जसमा दुई नाविकको मृत्यु भएको हो ।
बेलायतको समुद्री व्यापार सञ्चालन एजेन्सीले साना डुङ्गाहरूबाट प्रहार गरिएको रकेट-प्रोपेल्ड ग्रेनेडबाट जहाज क्षतिग्रस्त भएको जानकारी दिएको बीबीसीले जनाएको छ । आक्रमणपछि जहाज समुद्रमा ढल्किएको थियो।
रोयटर्सका अनुसार, इटर्निटी सी जहाजमा कुल २२ जना चालक दलका सदस्यहरू थिए, जसमध्ये ११ जना फिलिपिन्सका र एक जना रुसका हुन् ।
अहिलेसम्म कुनै पनि समूहले आक्रमणको जिम्मेवारी लिएको छैन।
